Ushbu ruknimizdagi eng so‘nggi yangiliklar bilan tanishtirishda davom etamiz.

Darmian nishonda

Milanning “Inter” klubi “Parma” himoyachisi Matteo Darmian bilan shartnoma imzolash niyatida.

LGDSnashri bergan ma’lumotlarga qaraganda, 30 yoshli fulbek uchun “Inter” 2,5 million yevro taklif qilmoqchi.

Manbaning ma’lum qilishicha, Darmian allaqachon “ko‘k-qoralar” bilan shaxsiy shartnoma borasida kelishuvga erishgan.

De Paul “Lids”ga o‘tadimi?

“Udineze” klubi yarim himoyachisi – Rodrigo De Paul faoliyatini APLda davom ettirishi mumkin.

“Calciomercato” nashrining ma’lum qilishicha, futbolchi bilan “Lids” jiddiy qiziqib qolgan.

Manbaning ma’lum qilishich, futbolchining o‘zi boshqa klubga o‘tishga qarshi emas, ammo “Udineze” hech bo‘lmaganda uni yana bir mavsum o‘z safida olib qolmoqchi.

Kandreva klubsiz qoldimi?

Milanning “Inter” klubi futbolchisi Andrea Kandreva faoliyatini boshqa klubda davom ettirishi aniq.

LGDSnashrining ma’lum qilishicha, futbolchi allaqachon o‘zi uchun klub izlashga tushib ketgan.

Manbaning ma’lum qilishicha, Kandreva bilan “Fiorentina” va “Sampdoria” jamoalaridan qiziqish mavjud.

Romero “Valensiya”da?!

Angliyaning “Manchester Yunayted” darvozaboni Serxio Romero faoliyatini Ispaniyada davom ettirishi mumkin.

“Goal.com” nashrining ma’lum qilishicha, Romero “Valensiya” jamoasi nishonida turibdi. Kipperning o‘zi o‘yin amaliyotiga ega bo‘lish uchun Manchesterni tark etish niyatida.

Manbaning ma’lum qilishicha, “Valensiya” argentinalik darvozabon uchun 6 million yevro sarf etish niyatidan.

Mourinyo davom etmoqda

Angliyaning “Tottenhem” jamoasi “Manchester Yunayted” yarim himoyachisi Jessi Lingard bilan shartnoma imzolash niyatidan.

“Goal.com” nashrining ma’lum qilishicha, ingliz futbolchisini shaxsan Joze Mourinoning o‘zi klubda ko‘rishni istamoqda.

Manbaning ma’lum qilishicha, “shporlar” “qizil iblislar”ga Lingard uchun 30 million funt taklif qilishni rejalashtirmoqda.