Ушбу рукнимиздаги энг сўнгги янгиликлар билан таништиришда давом этамиз.
Дармиан нишонда
Миланнинг “Интер” клуби “Парма” ҳимоячиси Маттео Дармиан билан шартнома имзолаш ниятида.
LGDSнашри берган маълумотларга қараганда, 30 ёшли фулбек учун “Интер” 2,5 миллион евро таклиф қилмоқчи.
Манбанинг маълум қилишича, Дармиан аллақачон “кўк-қоралар” билан шахсий шартнома борасида келишувга эришган.
Де Пауль “Лидс”га ўтадими?
“Удинезе” клуби ярим ҳимоячиси – Родриго Де Паул фаолиятини AПЛда давом эттириши мумкин.
“Calciomercato” нашрининг маълум қилишича, футболчи билан “Лидс” жиддий қизиқиб қолган.
Манбанинг маълум қилишич, футболчининг ўзи бошқа клубга ўтишга қарши эмас, аммо “Удинезе” ҳеч бўлмаганда уни яна бир мавсум ўз сафида олиб қолмоқчи.
Кандрева клубсиз қолдими?
Миланнинг “Интер” клуби футболчиси Aндреа Кандрева фаолиятини бошқа клубда давом эттириши аниқ.
LGDSнашрининг маълум қилишича, футболчи аллақачон ўзи учун клуб излашга тушиб кетган.
Манбанинг маълум қилишича, Кандрева билан “Фиорентина” ва “Сампдориа” жамоаларидан қизиқиш мавжуд.
Ромеро “Валенсия”да?!
Aнглиянинг “Манчестер Юнайтед” дарвозабони Серхио Ромеро фаолиятини Испанияда давом эттириши мумкин.
“Goal.com” нашрининг маълум қилишича, Ромеро “Валенсия” жамоаси нишонида турибди. Киппернинг ўзи ўйин амалиётига эга бўлиш учун Манчестерни тарк этиш ниятида.
Манбанинг маълум қилишича, “Валенсия” аргентиналик дарвозабон учун 6 миллион евро сарф этиш ниятидан.
Моуриньо давом этмоқда
Англиянинг “Тоттенҳем” жамоаси “Манчестер Юнайтед” ярим ҳимоячиси Жесси Лингард билан шартнома имзолаш ниятидан.
“Goal.com” нашрининг маълум қилишича, инглиз футболчисини шахсан Жозе Моуринонинг ўзи клубда кўришни истамоқда.
Манбанинг маълум қилишича, “шпорлар” “қизил иблислар”га Лингард учун 30 миллион фунт таклиф қилишни режалаштирмоқда.
