Saudiya Arabistonining «Al-Hilol» jamoasi Osiyo Chempionlar Ligasi 6-turidan oldin qiyin holatda qoldi.
Jamoa guruh bosqichining so‘nggi turidan o‘rin olgan «Shabob al-Ahli»ga qarshi o‘yin uchun 11 nafar o‘yinga layoqatli futbolchi bilan yetib keldi. Ularning uch nafari darvozabon hisoblanadi. Shu tariqa «Al-Hilol» 6-tur doirasidagi bahsni 9 nafar futbolchi bilan boshlaydi. Ikki darvozabon esa zaxirada qoladi.
«Al-Hilol» Qatarda markazlashgan tizimda o‘tayotgan musobaqaning avvalidanoq muammolarga duch kelgandi. Avvaliga jamoaning 3-4 nafar o‘yinchisi koronavirus sabab bahslarda ishtirok eta olmadi. Kun sayin jamoadagi kasallanganlar soni ortib bordi.
Ma’lumot uchun, OFK ishlab chiqqan reglamentga ko‘ra, jamoalardan biri koronavirus sabab o‘yinda ishtirok eta olmasa, o‘sha jamoa musobaqadan chetlatiladi. Shu sabab, «Al-Hilol» pley-off masalasini hal qilib qo‘ygan bo‘lsa-da, so‘nggi tur o‘yinida maydonga tushishga majbur.
