Ushbu ruknimizdagi eng so‘nggi yangiliklar bilan tanishtirishda davom etamiz.
Milan «Tottenhem»da?!
Milanning «Inter» klubi himoyachisi Milan Shkrinyar faoliyatini APLda davom ettirishi mumkin.
“Corriera Della Sport” nashrining ma’lum qilishicha, «Tottenhem» jamoasi himoyachi uchun 35 million yevro taklif qilmoqda.
Manbaning ma’lum qilishicha, «Inter» o‘z himoyachisini 55 milliondan kamiga qo‘yib yubormoqchi emas.
Ayni damda, muzokaralar qizg‘in davom etmoqda.
«Yuventus» o‘z uslubida
Turinning «Yuventus» jamoasi «Lasio» hujumchisi Xuakin Korea bilan jiddiy qiziqib qoldi.
“Tuttosport” nashrining ma’lum qilishicha, «zebralar» 26 yoshli futbolchi uchun 25 million yevro taklif etish niyatida. Rim klubi esa, o‘z futbolchisini 50 million yevrodan kamiga sotmoqchi emas.
Shu sababli «Yuve» hujumchini qo‘lga kiritish maqsadida Xoakinni sotib olish sharti bilan ijaraga olishga qaror qildi.
Bugungi kunda ushbu transfer ustida shaxsan Pavel Nedvedning o‘zi ish olib bormoqda.
Depay ketsa…
Fransiyaning «Lion» klubi Memfis Depayning o‘rnini to‘ldirishga qodir futbolchi izlashni boshlab yubordi.
“Telefot” nashrining ma’lum qilishicha, klub nishonida «Monako» vingeri Stefan Yovetich turibdi.
Manbaning ma’lum qilishicha, Depay klubi tark etsa, uning o‘rnini 30 yoshli Stefan Yovetich egallaydi.
PSJ «a seriya»ga ko‘z tikdi
Parijning PSJ klubi transfer oynasi yopilishidan avvalroq yarim himoyachini o‘z safiga qo‘shib olish niyatida.
“Lʼequipe” nashrining ma’lum qilishicha, klub «Torino» futbolchisi – Sualixo Meyte bilan shartnoma imzolashi mumkin.
Manbaning ma’lum qilishicha, klub Temi Bakayokoni qo‘ldan chiqargach, bor e’tiborini 26 yoshli futbolchiga qaratmoqda.
