UFC 254 translyasiyasi e’lon qilingach janglar vaqtlari borasida savollar paydo bo‘ldi.

Demak, bizning vaqt bilan turnir 24 oktyabr SHANBA oqshomida o‘tadi. Avvalgi katta janglar odatda yakshanba ertalabki paytlar bo‘lgani uchun ba’zi tomoshabinlar chalg‘iyapti. Bu safar shanba kechki payt.

Vaqt masalasi, 21:00da UZREPORT-TVda prelim, ya’ni dastlabki janglar boshlanadi.

Asosiy kard, ya’ni markaziy janglar 23:00da boshlanadi. Tabiiyki, borgan sari to‘qnashuvlar darajasi oshib boradi.

Va nihoyat, Xabib - Getji jangi. Uning aniq boshlanish vaqti undan oldingi bellashuvlarga bog‘liq, shu sababli aniq vaqti belgilanmagan. 00:30 bo‘lsa kerak taxminan. Ammo bu katta turnir va undagi har bir jang ajoyib tarzda o‘tishi aniq. Shuning uchun to‘liq tomosha qilsangiz adashmaysiz. Kechaning bonuslarini esa ko‘pincha prelimlardagi tavakkalchilar ilib ketishadi.

Davron Fayziyev.