Ushbu ruknimizdagi eng so‘nggi yangiliklar bilan tanishtirishda davom etamiz.
Moyes tan oldi
Angliyaning «Vest Hem» jamoasi sobiq bosh murabbiyi Devid Moyes 2013 yilda Garet Beylni «Tottenhem»dan sotib olishlarini talab qilgan.
Bu haqida murabbiyning o‘zi ingliz nashrlariga bergan intervyusida tan olgan.
Uning aytishicha, «qizil iblislar» Garet uchun «Tottenhem» istaganidek katta pul taklif qilgan, biroq futbolchining o‘zi Madriddan kelib tushgan taklifni qabul qilishga qaror qilgan.
Eslatib o‘tamiz, Beyl «qaymoqranglilar» safida 4 bor Yevropa Chempionlar Ligasida g‘alaba qozondi.
«Uotfurd» rad etdi
Ayni damda «Chempionship»da harakat qilayotgan «Uotfurd» klubi «Kristal Pelas»dan kelib tushgan taklifni rad etdi.
"Daily Mail« nashrining ma’lum qilishicha, »Kristal Pelas" Ismail Sarr borasida kelib tushgan 25 million yevrolik taklifni rad etgan.
Manbaning ma’lum qilishicha, «Uotfurd» avvalroq «Liverpul»ning 20 million yevrolik taklifini ham rad etgan edi.
Mbappe uchun kurash avjida!
Angliyaning «Liverpul» jamoasi ham PSJ hujumchisi Kilian Mbappe uchun kurashga qo‘shilmoqda.
AS nashrining ma’lum qilishicha, PSJ Kilianga yiliga 30 million yevro maosh ko‘rsatilgan shartnoma taklif qilmoqchi. Shunga qaramay, Kilian boshqa klubga o‘tishga qaror qilgan. Shu bois, uning otasi bilan «Liverpul» aloqaga chiqqan.
Manbaning ma’lum qilishicha, Mbappening xizmatlari bilan shaxsan Yurgen Klopp qiziqib qolgan.
«Chelsi» o‘z fikridan qaytmadi
Londonning «Chelsi» klubi «Vest Hem» yarim himoyachisi Deklan Rays bilan shartnoma imzolash niyatidan qaytgani yo‘q.
ESPN nashrining ma’lum qilishicha, Frenk Lempardning maydon markazidan ko‘ngli to‘lmayapti. Shu bois, qishda bo‘lsa ham Rays bilan shartnoma imzolashni talab qilmoqda.
Eslatib o‘tamiz, Deklanning «bolg‘achilar» bilan tuzgan shartnomasi 2024 yilda o‘z yakuniga yetadi.
