Angliyaning «Manchester Yunayted» klubi yarim himoyachisi Brunu Fernandesh APL doirasida «Nyukasl» (4:1) jamoasi darvozasiga penaltidan gol ura olmagan vaziyat haqidagi fikrlari bilan o‘rtoqlashdi.
«Men ham oddiy insonman, xatolardan holi emasman. Men bu voqea yana takrorlanishini xohlamayman, o‘sha uchrashuvda ham xato qilishni xohlamagandim. Darvozabon o‘zini yaxshi his qildi, men esa xatoga yo‘l qo‘ydim. Men o‘sha darvozabonning harakatlarini o‘rganib chiqdim, biroq o‘zim xohlagandek zarba bera olmadim.
Penaltilarni amalga oshirish borasida o‘z ustidan yana ishlashim kerak. Keyingi safar aniq foydalanaman», – dedi Fernandesh klub TVsiga bergan intervyusida.
Portugaliyalik futbolchi faoliyati davomida amalga oshirgan 33 ta penaltidan 30 tasini aniq bajargan. U so‘nggi marotaba 2018 yilning oktyabr oyida belgilangan 11 metrli jarima to‘pidan noaniq foydalangandi.
