Madridning «Real» klubi Yevropa Chempionlar Ligasi 3-turi doirasida «Inter»ga qarshi kechadigan uchrashuv uchun kengaytirilgan tarkibni e’lon qildi.
Zinedin Zidan qaydnomaga 21 nafar futbolchini kiritdi. Uchrashuvda himoyachilar Nacho Fernandes, Daniel Karvaxal va Alvaro Odriosola, yarim himoyachi Martin Edegor jarohat sabab o‘yinda ishtirok eta olmaydi.
Shuningdek, himoyachi Eder Militao koronavirusga topshirgan testi ijobiy chiqqani sabab uchrashuvda qatnasha olmaydi.
Avvalroq jarohati olgani aytilgan Lukas Vaskes qaydnomadan o‘rin oldi.
«Real»ning qaydnomasi bilan tanishing:
Darvozabonlar: Tibo Kurtua, Andrey Lunin, Diyego Altube.
Himoyachilar: Serxio Ramos, Rafael Varan, Marselo, Ferlan Mendi, Serxio Santos.
Yarim himoyachilar: Toni Kroos, Luka Modrich, Kazemiro, Federiko Valverde, Isko.
Hujumchilar: Eden Azar, Karim Benzema, Marko Asensio, Lukas Vaskes, Luka Yovich, Vinisius Junior, Mariano Dias, Rodrigo Goes.
Eslatib o‘tamiz, «Real» va «Inter» jamoalari o‘rtasidagi bahs Toshkent vaqti bilan 3 noyabrdan 4 noyabrga o‘tar kechasi 01:00 da boshlanadi.
