Bugundan boshlab «Barselona» erkin agent maqomini oladigan hujumchi qidira boshladi.
"AS" nashri tarqatgan xabarga ko‘ra, kataloniyaliklar ro‘yxatidan Mario Manjukich, Aleshandro Pato va Daniel Starrij o‘rin olishdi.
Bundan tashqari, "Barsa" bosh murabbiyi Ronaldu Kuman jamoani kuchaytirish uchun yarim himoyachilar Jek Uilshir va Sindzi Kagava bilan shartnoma imzolash kerakligini ta’kidlamoqda.
Eslatib o‘tamiz, Ispaniyadagi qoidaga ko‘ra, asosiy tarkib futbolchisi uzoq vaqtga safdan chiqsa, klub transfer oynasidan tashqarida ham erkin agentga ega futbolchini ro‘yxatdan o‘tkazish huquqiga ega. "Barsa" esa Ansu Fati 4 oyga safdan chiqqani uchun ushbu imkoniyatdan foydalanmoqchi.