«Yuventus» 2021 yilning yozida hujumchi Krishtianu Ronalduni «PSJ» forvardi Neymarga almashishga urinib ko‘radi. Bu haqda jurnalist Tankredi Palmeri xabar tarqatdi.
Har ikki yulduz futbolchining o‘z klublari bilan shartnomalari 2022 yilning yozida yakuniga yetadi. Ular bilan shartnomani uzaytirish ishlari esa og‘ir kechmoqda. Bu esa yuzaga kelgan iqtisodiy inqiroz bilan bog‘liq.
Ronalduning moliyaviy talabini qondira oladigan yagona klub — bu «PSJ». Turinliklar sport direktori Fabio Paratichi esa kelasi 36 yoshga kiradigan portugaliyalik futbolchini Neymarga almashish taklifini parijliklarga bermoqchi.
Ronaldu joriy mavsumda «Yuventus» safida barcha musobaqalar doirasida 6ta gol urdi va bitta golga uzatma berdi. Neymar esa "PSJ" safida 6ta uchrashuvda 2ta gol va 4ta uzatma muallifiga aylandi.