Ushbu ruknimizdagi eng so‘nggi yangiliklar bilan tanishtirishda davom etamiz.
Tyuram «Parma»da, Batistuta «Firentina»da. “A seriya” grandlarida kimlar to‘p surganini endi bir tasavvur qilib ko‘ring!
20 yoshli De Bur muxlislarga dastxat berish bilan band. Bu ish uni zeriktirib yuborgani shundoqqina ko‘rinib turibdi.
«Espanyol» jamoasining sardori Dani Xorxening olamdan o‘tgani ko‘pchilikning yodidan ham ko‘tarilib ketdi. Birgina baxtsiz hodisa sababli u olamdan erta ko‘z yumgan edi.
Ronaldinyo turli muammolarga duch keldi. Ichkilik bilan bog‘landi, ortiqcha vazn orttirdi, qamaldi, iqtidorini ko‘kka sovurdi, ammo uni barcha yaxshi ko‘raveradi. Hatto, «Real»ning ashaddiy ishqibozlari ham!
Kevin Kigan va Pol Braytner o‘tmishning eng kuchli futbolchilari edi. Aynan ular «afro»turmagini futbol olamida mashhur qilgan desak, adashmagan bo‘lamiz. Bugungi kundagi Visel va Fellainilar ularning izdoshlari.
1992 yil. «Liverpul» Angliya kubogida zafar quchdi. Afsonaviy darvozabon Bryus Grobbler esa, o‘zini xursand qilishning yangi uslubini topdi.
1930 yildayoq futbol biznes bilan muayyan bog‘liq edi. “Arsenal” va Angliya terma jamoasi yulduzi Eddi Xepgud «Mars» shokoladlarini reklama qilmoqda.
«Milan» muxlislarining ichidan nimadir uzilib ketgandek bo‘lgani aniq. «Oltin to‘p» egalarining yulduzni onlari «Milan»da o‘tgan. Ularning ikkisi ham boshqa klublarga katta summa evaziga yo‘l olgan bo‘lsada, amalda hech narsani isbotlay olishmadi va yana ortga qaytishdi. Afsuski, «Milan» endi ular davridagisi emas edi.
1937 yil. Shayx Mansur hali tug‘ilmagan paytda «Siti» Angliya chempionligini qo‘lga kiritgan edi. Arablarning pullariga qadar ham «shaharliklar» o‘z imijiga ega jamoa bo‘lgan.
PSV libosidagi Ronaldoning yuzlaridagi tabassum hali-hamon arigani yo‘q.
1992 yil. Hozirgina Kike Ispaniyaga Olimpiyada oltin medallarini taqdim etgan golni kiritdi.
2000 yil. Ispaniyalik Joan Kapdevila mum tishlab qolmoqda. Samuyel Eto'o boshchiligidagi Kamerun Olimpiadaning oltin medallarini qo‘lga kiritmoqda. Hakamning final hushtagi chalingach, ikki futbolchining yuzida ikki xil tuyg‘u paydo bo‘ldi.
Diyego Armando Maradona ishonchli qo‘llarda!
