UEFA millatlar ligasining final bosqichiga chiqqan 4ta jamoaning nomi aniq bo‘ldi. Belgiya, Fransiya, Ispaniya va Italiya terma jamoalari g‘olib uchun kurash olib borishadi.

Turnirning final bosqichi 2021 yilning 6-10 oktyabr kunlari o‘tkazilishi rejalashtirilgan. 6-7 oktyabr kunlari yarim final, 10 oktyabr kuni esa final va 3-o‘rin uchun bahs o‘tkaziladi.

Musobaqaga qur’a tashlash marosimi 2020 yilning 3 dekabr kuni bo‘lib o‘tadi. Shuningdek, o‘sha kuni Millatlar ligasi final bosqichiga mezbonlik qiladigan mamlakat nomi ham e’lon qilinadi. Ma’lumotlarga qaraganda, mezbonlik Italiyaga topshiriladi.