Angliyaning «Manchester Yunayted» klubi bosh murabbiyi Ole-Gunnar Sulsher «Vest Bromvich» (1:0) ustidan APLning 9-turida qo‘lga kiritilgan g‘alabasi haqida fikr bildirdi.

O‘yin haqida:

«Terma jamoalar sababli yuzaga kelgan tanaffusdan keyin g‘alaba qozonish yoqimli. O‘z maydonimizda g‘alabani qo‘lga kiritishimiz shart edi.

O‘zimizni qulay his qilishimiz uchun yana 2-3 ta gol kiritishimiz kerak edi, lekin o‘yinni oxirigacha xavotir ostida o‘ynadik.

Ajoyib futbolchilardan tashkil topgan jamoaga qarshi o‘yinda hech qachon o‘zingni xotirjam his qilmaysan. Raqibda ham vaziyatlar bo‘ldi va i De Xea ikkita ajoyiyu seyvni amalga oshirdi.

Mayda detallar o‘yin taqdirini hal qiladi, lekin natija kayfiyatga ta’sir ko‘rsatadi.

Fernandeshni penaltini qayta tepgani haqida:

«Bunday vaziyat De Xea bilan mavsum boshida ham ro‘y bergan edi, biroq, o‘shanda u ham darvoza chizig‘idan tashqariga chiqib olgandi.

Ehtimol Brunu o‘zining ajoyib ijrosi bilan darvozabonlarni biroz oldinga chiqishga majbur qilar. Sem Jonston yaxshi darvozabonga aylandi.

Penalti belgilash qoidasini qayta-qayta muhokama qilamiz. VAR penalti belgilashi uchun yengil teginish yetarli. Hozirgi vaziyat men o‘ynagan paytdagisi bilan farq qiladi».

«Vest Bromvich» foydasi penalti belgilanishi haqida:

«Bugun bo‘lib o‘tgan «Aston Villa» va «Brayton» jamoalari o‘rtasidagi vaziyatni tomosha qildim. O‘shanda to‘pga kontakt bo‘ldi, keyin esa futbolchiga. Fikrimcha, o‘sha vaziyatda ham penalti berilishi kerak edi.

Balki bu yerda biroz omadimiz kelgandir, lekin bunday penalti hech qachon belgilanmagandi. Balki, qoida mening fikrimdan farq qilar».