Milanliklar yarimhimoyachisi Frank Kessi «Napoli» bilan kechgan og‘ir bahsda tishini sindirib oldi.

Bu haqda klub matbuot xizmati xabar bermoqda. Ivuarlik futbolchi uchrashuvning birinchi bo‘limida neapolliklar a’zosi Matteo Politano bilan to‘p uchun kurashda jiddiy jarohat olganidan xabaringiz bor edi. Shifokorlarning qisqa muddatli yordamidan so‘ng Frank o‘yinni davom ettira olishini bildirgan holda to‘liq maydonda harakat qildi. Lekin klub shifokorlarining bahsdan so‘ng bergan ma’lumotlariga ko‘ra, keyingi tibbiy tekshiruvdan so‘ng futbolchi tishini sindirib olgani ma’lum bo‘lmoqda.

Ma’lumot uchun, Kessi joriy mavsum «Milan» safida 10 ta o‘yinda maydonga tushib, ikkita golga mualliflik qilgan.