Миланликлар яримҳимоячиси Франк Кесси «Наполи» билан кечган оғир баҳсда тишини синдириб олди.
Бу ҳақда клуб матбуот хизмати хабар бермоқда. Ивуарлик футболчи учрашувнинг биринчи бўлимида неаполликлар аъзоси Маттео Политано билан тўп учун курашда жиддий жароҳат олганидан хабарингиз бор эди. Шифокорларнинг қисқа муддатли ёрдамидан сўнг Франк ўйинни давом эттира олишини билдирган ҳолда тўлиқ майдонда ҳаракат қилди. Лекин клуб шифокорларининг баҳсдан сўнг берган маълумотларига кўра, кейинги тиббий текширувдан сўнг футболчи тишини синдириб олгани маълум бўлмоқда.
Маълумот учун, Кесси жорий мавсум «Милан» сафида 10 та ўйинда майдонга тушиб, иккита голга муаллифлик қилган.
