Ushbu ruknimizdagi eng so‘nggi yangiliklar bilan tanishtirishda davom etamiz.
Xediradan o‘zgacha yurish
Turinning "Yuventus" jamoasi yarim himoyachisi Sami Xedira faoliyatini Chempioshipda faoliyatini davom ettirmoqchi.
"Calciomercato" nashrining ma’lum qilishicha, futbolchiga Angliyaning ikkinchi ligasidagi bir nechta klublar takliflar bilan chiqqan.
Manbaning ma’lum qilishicha, futbolchi bilan "Bormunt", "Norvich" va "Uotfurd" klublari aloqaga chiqqan.
"Milan"ga Fekir kerak
Milanning "Milan" jamoasi "Betis" yarim himoyachisi Nabil Fekirni o‘z safiga qo‘shib olmoqchi.
Italiya nashrlarining ma’lum qilishicha, "rossonerilar" yarim himoyachi bilan aloqaga chiqishgan. Ular jamoani tark etishi tobora aniqlashib borayotgan Hakan Chalhano‘gluning o‘rnini aynanNabil bilan to‘ldirishmoqchi.
Ma’lumotlarga qaraganda, ushbu transfer uchun "Milan" 35 million yevro sarf etmoqchi.
"Fiorentina"ga u kerak
Italiyaning "Fiorentina" jamoasi ijara asosida to‘p surayotgan "Vulverhempton" hujumchisi Patrik Kutronening transferini to‘liq sotib olmoqchi.
"Bo‘rilar" Kutronening transferiga qarshi emas, biroq uni 25-30 million yevrodan kamiga sotmoqchi emas.
"The Sun"nashrining ma’lum qilishicha, hujumchining o‘zi ham faoliyatini "binafshalar" safida davom ettirishga rozi.
O‘zil ketadimi?!
Londonning "Arsenal" jamoasi yarim himoyachisi Mesut O‘zil qishda hech qayerga ketmoqchi emas.
O‘zil o‘z shartnomasini to‘liq o‘tash orqali, barcha maoshini to‘liq qo‘lga kiritmoqchi.
U Londonni erkin agent sifatida tark etishga qaror qilgan. U shu yo‘sinda, keyingi jamoasi bilan shartnoma imzolash oldidan ustunlikka ega bo‘lmoqchi.
Eslatib o‘tamiz, avvalroq uni qishda Turkiya klublaridan biri bilan shartnoma imzolashi haqida mish-mishlar paydo bo‘lgan edi.
Iskoning o‘rnini kim egallaydi?
Madridning "Real" jamoasi "RB Leypsig" klubi yarim himoyachisi Dominik Sobosloi bilan shartnoma imzolamoqchi.
Marca nashrining ma’lum qilishicha, Madrid klubi Iqishda Iskoni o‘rnini egallashi mumkin bo‘lgan futbolchilarni izlashda davom etmoqda
Manbaning ma’lum qilishicha, klub nishonida "buqalar" futbolchisi turibdi. Ma’lumotlarga qaraganda, Madrid klubi ayni damda shaxsiy shartnoma borasida kelishuvga erishib bo‘lgan
