"France Football" jurnali futbol tarixidagi eng yaxshi o‘yinchilardan tuzilgan 3ta ramziy jamoani tuzib chiqdi. Unda 140 nafar jurnalistdan tuzilgan jyuri a’zolarining fikri inobatga olindi.
Asosiy ramziy jamoaning darvozasiga Lev Yashin qo‘yildi. Jamoaning hujum chizig‘i Krishtianu Ronaldu, Ronaldo va Lionel Messidan iborat bo‘lgan bo‘lsa, futbol afsonalari Pele va Diyego Maradona yarim himoyaga joylashtirildi.
«France Football» jurnali versiyasi bo‘yicha jahon futbolida eng yaxshi futbolchilar ramziy jamoasi:
Darvozabon: Lev Yashin («Dinamo»).
Himoyachilar: Paolo Maldini («Milan»), Frans Bekkenbauer («Bavariya»), Kafu («Milan»)
Yarim himoyachilar: Xavi («Barselona»), Lotar Matteus («Bavariya»), Pele («Santos»), Diyego Maradona («Napoli»)
Hujumchilar: Krishtianu Ronaldu («MYU», «Real», «Yuventus»), Ronaldo («Inter», «Real»), Lionel Messi («Barselona»)
