Angliyaning "Manchester Siti" klubi bosh murabbiyi Xosep Gvardiola yanvar oyida hujumchi sotib olish niyatida yo‘qligini bildirdi.
"Yanvar oyida hujumchi xarid qilishimizni kutmayapman, chunki bu dunyoda yuz berayotgan iqtisodiy vaziyatga bog‘liq. Barcha klublar qiyinchiliklarni boshdan kechirmoqda va biz ham shular jumlasidanmiz.
"Biz aniq vaziyatlarni yaratyapmiz, ammo ulardan foydalana olmayapmiz, shu narsadan aziyat chekyapmiz.
"Shu sababli, bu mavsumda qanday ishtirok etishimizni ayta olmayman. Biz o‘yindan o‘yinga oldinga qadam tashlayapmiz, endi "Arsenal" bilan Liga Kubogida o‘ynash uchun Londonga yo‘l olamiz", — dedi Gvardiola Sky Sports bilan suhbatda.
