Londonning «Arsenal» klubi himoyachisi Kiran Tirni APL doirasida «Chelsi» (3:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.
«Bizga natija muhim edi. Bir nechta yomon uchrashuvlarni o‘tkazdik, lekin bugun so‘nggi paytlardagi o‘yinlarimizga qaraganda yaxshi boshladik, gol o‘tkazishimizni kutib o‘tirmadik va o‘yinga kirishib ketdik.
Barcha yosh futbolchilar o‘ynash ishqida yonmoqda. Biz o‘z o‘yinimizni ko‘rsatishda davom etishimiz kerak. Tanaffusdan keyin o‘yinimizni yanada kuchaytirishni xohlagandik. Yakunda Bernd Leno bizni chuqurlikdan olib chiqdi», – dedi Tirni Sky Sports bilan suhbatda.
