Kataloniyaning «Barselona» klubi sardori Lionel Messi La Liga doirasida 29 dekabr kuni bo‘lib o‘tadigan «Eybar»ga qarshi uchrashuvni o‘tkazib yuboradi.
Marca nashrining tarqatgan ma’lumotiga qaraganda, kataloniyaliklar bosh murabbiyi Ronald Kuman o‘z yurtidan qaytib kelgan argentinalik futbolchilar qo‘shimda hordiq kuni berishga qaror qildi.
Jamoaning boshqa futbolchilari koronavirus uchun test topshirishdi va to‘rt kunlik dam olish kunidan so‘ng mashg‘ulotlarga qaytishdi. Seshanba kuni «Eybar»ga qarshi bo‘lib o‘tadigan uchrashuvdan so‘ng, «ko‘k-anorranglilar» yana ikki kunlik qisqa tanaffusga yo‘l olishadi va 1 yanvar kuni mashg‘ulotlarni boshlaydi. O‘sha kuni Messi ham jamoa mashg‘ulotlariga qaytadi.
