Turkiyaning «Galatasaray» klubi hujumchisi Radamel Falkao jamoani tark etayotganligi haqida Turkiya OAVsi xabar tarqatmoqda.
OAVning yozishicha, Falkao o‘ziga yangi jamoa topishga ulgurdi. Kolumbiyalik hujumchi Devid Bekxem jamoasi sanalgan AQSHning «Inter Mayami» klubida o‘ynaydigan bo‘ldi.
Qo‘shimcha o‘rnida shuni aytish kerakki, Falkaoni Saudiya Arabistoniga taklif qilishgandi, biroq, tajribali hujumchi faoliyatini MLSda davom ettirishni ma’qul ko‘rdi. Ushbu bitim yanvar oyining dastlabki kunlarida rasman e’lon qilinadi.
