Angliyaning «Manchester Yunayted» klubi sobiq futbolchisi Roy Kin «Chelsi» ustozi Frenk Lempardning «Manchester Siti» (1:3) klubiga boy berilgan o‘yindan keyingi istiqboli haqida fikr bildirdi.
«Frenk ko‘rgan narsasidan tashvishda bo‘ladi. Agar hujumchilar haqida gapiradigan bo‘lsak, ular o‘zlarini ko‘rsatishadi deb o‘ylagandim, ammo ularga kuch yetishmadi.
Qachonki hech qanday kurashsiz 0:3 hisobida mag‘lubiyatga uchrayotgan bo‘lsangiz, u holda tashvishlanishga jiddiy sabab paydo bo‘ladi. Uning qo‘l ostida tajribali futbolchilar bor, qolaversa Jahon chempionatida g‘olib bo‘lgan futbolchilar mavjud. Qanday qilib ular nima bo‘layotganini tushunmasliklari mumkin? To‘pni osonlik bilan oldirib qo‘yishmoqda, himoyalanishda xatolarga yo‘l qo‘yishmoqda. Bu meni juda hayron qoldirmoqda.
«Chelsi» murabbiyga imkoniyat berishga o‘rganmagan. Murabbiylarga imkon bermaslik - "Chelsi"ning DNKsi, ularning tarixini bir qismi», – dedi Kin Sky Sports bilan suhbatda.