Angliya Kubogining 3-bosqichida «Tottenxem» safarda kamtargina hisoblangan «Marin» jamoasi mehmoni bo‘ldi. Uchrashuv Joze Mourinyo shogirdlarining 5:0 hisobidagi ishonchli g‘alabasi bilan yakunlandi.
«Shporlar» matbuot xizmati klubning «Tvitter»dagi rasmiy sahifasi orqali portugaliyalik mutaxassis jamoani oddiy stulda o‘tirib boshqarayotgani aks etgan fotosuratni joyladi.
Koronavirus cheklovlari tufayli muxlislar ushbu o‘yinni stadiondan bevosita kuzata olishmadi, shuning uchun, ikki nafar muxlis o‘yinni to‘siqlar ortidan kuzatishga majbur bo‘ldi.
Qo‘shimcha o‘rnida shuni aytish kerakki, «Marin» Shimoliy Premyer-liganing G‘arbiy birinchi divizionida ishtirok etadi, bu Angliyaning sakkizinchi divizioni sanaladi.
