Germaniyalik mutaxassis qo‘l ostidagi «Liverpul», tarixdagi eng yaxshi mersisayd jamoasi maqomi uchun kuchli uchlikdan o‘rin oldi.

Birinchi o‘rinni 1983/1984 yilgi mavsumdagi «Liverpul» qo‘lga kiritdi. O‘shanda Jou Fegan boshchiligidagi «Liverpul» Angliya chempioniga aylangan. Shuningdek, Yevropa kubogi va Angliya Liga kubogini ham qo‘lga kiritgan. 1976/77 yilgi mavsumda harakat qilgan «Liverpul» esa ikkinchi pog‘onani band etdi.

Bob Peysli boshchiligidagi ushbu jamoa Angliya chempioni bo‘ldi va Yevropa kubogini yutdi. Sizu biz kuzatib kelayotgan ayni paytdagi «Liverpul» reytingda uchinchi o‘rinni egallab turibdi. Yurgen Klopp boshchiligida jamoa 2018/2019 yillarda Chempionlar Ligasida zafar quchdi va 30 yillik tanaffusdan so‘ng, o‘tgan mavsumda Angliya chempioniga aylandi.