Italiya Kubogining 1/8 final bosqichida "Roma" o‘z maydonida "Spesiya" klubini qabul qildi.
Avvaliga mehmonlar 0:2 hisobida oldinda borishayotgandi, biroq, rimliklar iroda namoyish etib, uchrashuvning asosiy daqiqalarida hisobni tenglashtirib olishdi.
Natijada qo‘shimcha bo‘limlar boshlandi. Uchinchi taymning boshidayoq "Roma"ning ikki nafar futbolchisi birin-ketin maydondan chetlashtirildi. Ikki futbolchi ko‘p o‘ynashni boshlagan mehmonlar 107 va 119-daqiqalarda Verde va Saponaralarning gollari evaziga hisobda oldinga chiqib olishdi va aynan mana shu gollar "Spesiya"ni keyingi bosqichga olib chiqdi.
"Roma" – "Spesiya" 2:4
20 yanvar, 01.15, «Stadio Olimpiko»
Gollar: 0:1 – 6, Galabinov (penalti), 0:2 – 15 Saponara, 1:2 – 43, Pellegrini (penalti), 2:2 – 73 Mxitaryan, 2:3 – 107 Verde, 2:4 - 119 Saponara.
"Roma" – Lopes, Spinassola (Karsdorp, 69), Kumbula, Manchini, Bruno Peres, Vilyar (Veretu, 69), Kristante (Fuzato, 95), Mxitaryan (Karles Peres, 85), Pellegrini, Pedro (Rojer, 95), Mayoral (Djeko, 90).
"Spesiya" – Krapikas, Erlich, Ismayli, Vinyali, Ramos (Dell`Orko, 68), Leo Sena (Richchi, 68), Deyola (Akampora, 80), Saponara, Madjore, Agudelo (Verde, 59), Galabinov (Pikkoli, 68).
Ogohlantirishlar: Agudelo (13), Ismayli (24), Manchini (51), Dell`Orko (90).
Chetlatishlar: Manchini (91), Lopes (92) (ikkalasi "Roma").
