“Real“ bosh murabbiyi Zinedin Zidan Fransiya futbol federasiyasi prezidenti Noel Le Gre mutaxassisni Didye Deshamning o‘rniga asosiy nomzod degan fikrlariga izoh berdi.
“Biz Le Gre bilan bir-birimizni 1998 yil Liga-1 da o‘ynagan vaqtdan beri taniymiz. Biz doimo yaxshi munosabatda bo‘lganmiz. Fransiya terma jamoasi? Bu kelajakdagi maqsad.
Men bu haqda 10 yil oldin murabbiylik faoliyatimni boshlagan paytimdanoq o‘ylay boshlaganman. Bir kun kelib bu amalga oshishi ham mumkin. Ammo, bugun men “Real Madrid“daman.
Men bu erda deyarli 20 yil ishladim va klub menga ushbu ajoyib jamoani boshqarish imkoniyatini berdi. Bu meni quvontiradi. Men hozirgi ishimga ko‘proq e’tibor qaratishim darkor. Kelajakda nima bo‘lishini keyinchalik ko‘ramiz“- deydi Zidan.
