Insayder Fabrisio Romano tajribali murabbiy Jorje Jezush Portugaliya terma jamoasiga bosh murabbiy etib tayinlanishini xabar qildi. U ushbu lavozimda uch yil ishlagan Roberto Martinesning o‘rnini egallaydi.
Ta’kidlanishicha, Jezush 2030 yilgi Jahon chempionati yakuniga qadar mo‘ljallangan shartnomani imzolaydi.
Jezush 71 yoshda bo‘lib, u o‘zining murabbiylik faoliyatini 1989 yilda boshlagan. U "Benfika", "Sporting", "Fenerbaxche" va "Al-Hilol" jamoalari bilan ishlagan, o‘tgan mavsumda esa "An-Nasr" boshqaruvida Saudiya Arabistoni chempioni bo‘ldi.
Portugaliya terma jamoasi Martines qo‘l ostida 2026 yilgi Jahon chempionatida o‘z guruhida birinchi o‘rinni egallay olmadi, musobaqaning 1/8 final bosqichida esa Ispaniya terma jamoasiga imkoniyatni boy berib, turnir bilan xayrlashdi.
