Misr futbol assosiasiyasi (EFA) rasmiy saytida bayonot e’lon qildi. Unda terma jamoaning JCH-2026 1/8 finalida Argentinaga qarshi kechgan (2:3) o‘yinidan so‘ng, mamlakat prezidenti Abdel Fattax as-Sisining qo‘llab-quvvatlovchi so‘zlari va jamoa ishtirokiga bergan yuqori bahosi uchun minnatdorlik bildirilgan.

Bayonotda aytilishicha, Xani Abu Rida boshchiligidagi direktorlar kengashi, shuningdek, terma jamoaning murabbiylar, ma’muriy va tibbiyot shtablari hamda futbolchilari prezidentga jamoaning munosib o‘yini va jahon chempionatidagi tarixiy yutug‘ini yuqori baholagani hamda doimiy qo‘llab-quvvatlashi uchun chin dildan minnatdorlik bildiradi.

«Prezidentning qo‘llab-quvvatlashi misrlik futbol vakillarining barchasi uchun kelgusida ham tinimsiz ishlash, bor kuch-g‘ayratni sarflash, yangi muvaffaqiyatlarga erishish hamda Misrni xalqaro maydonda munosib tarzda namoyish etish uchun qo‘shimcha motivasiya bo‘ladi», — deyiladi press-relizda.