APLning 24 turi doirasida “Chelsi“ “Nyukasl“ni qabul qildi. “Stemford Bridj“da kechgan bahs mezbonlarning ishonchli, 2:0 hisobidagi g‘alabasi bilan nihoyalandi.
Uchrashuvni asosiy tarkibda boshlagan Abraxam 26 daqiqada jarohat olib maydonni tark etdi va uning o‘rniga maydonga tushgan Jiru, 31 daqiqada jamoasining birinchi goliga mualliflik qildi.
Shundan biroz o‘tgach, 39 daqiqada Verner ikkinchi golni ham darvozaga yo‘llab qo‘ydi, 2:0. Yakunda, bahs so‘nggiga qadar hisob o‘zgarmadi va "aristokratlar" yangi bosh murabbiy ,Tuxel qo‘l ostidagi qatorasiga beshinchi mag‘lubiyatsiz o‘yinini o‘tkazishdi.
Shu tariqa, "Chelsi" ochkolari sonini "Vest Xem" bilan bir hil, 42 taga yetkazib, to‘plar nisbati evaziga to‘rtinchi o‘ringa ko‘tarildi. Bugungacha, 25 ochko yiqqan "Nyukasl" esa "qizil hudud"ga yaqin, 17 o‘rinda joylashgan.
"Chelsi" – "Nyukasl" 2:0 (2:0, 0:0) «Stemford Bridj»
Gollar: 1:0 – 31 Jiru, 2:0 – 39 Verner.
"Chelsi" – Arrisabalaga, Aspilikueta, Ryudiger, Kristensen, Alonso, Kovachich, Jorjinyo, Maunt (Kante, 70), Xadson-Odoi (Djeyms, 78), Abraxam (Jiru, 20), Verner.
"Nyukasl" – Darlou, Lassels, Kraft, Lyuis, Klark, Xeyden, Uillok (Kerroll, 79), Shelvi, Almiron, Sen-Maksimen (Freyzer, 72), Geyl (Joelinton, 64).