Xabar berganimizdek, o‘z o‘quv-mashg‘ulot yig‘inini Turkiyada olib borayotgan "Navbahor" mazkur yig‘in doirasidagi navbatdagi o‘rtoqlik bahsini Ukrainaning “Obolon” (Kiyev) jamoasiga qarshi o‘tkazdi.

Mazkur o‘yinda “lochinlar” ustozi No‘’mon Hasanov maydonga quyidagi futbolchilarni tushirdi: Rahimjon Davronov, Shahzod Hamidov, Sardor Telyakov, Mirzohid Mirzamahmudov, Nikola Tasich, Abbos G‘ulomov, Shohruh Mahmudhojiyev, Sherzod G‘ulomjonov, Bahrom Abdurahimov, Ilhom Aliboyev, Husayn Ergashboyev.

Zaxiradan maydonga tushganlar: Davron Hoshimov, Mirzohid G‘ofurov, Quvondiq Ro‘ziyev, Ivan Solovyov, Marko Putinkanin, Zabihillo O‘rinboyev, Slavisha Stoyanovich.

Uchrashuv borasida to‘xtaladigan bo‘lsak, birinchi bo‘limning hakam tomonidan qo‘shib berilgan vaqtida mahoratli yarim himoyachi Shohruh Mahmudhojiyev jamoamizning navbatdagi hujumini samarali tarzda yakunlab, “lochinlar”ning tanaffusga 1:0 hisobidagi g‘alaba bilan chiqib ketishlarini ta’minladi.

Ikkinchi bo‘limda muvozanatni tiklashga haraqat qilgan kiyevliklar  avtogol tufayli hisobni tenglashtirishga muvaffaq bo‘lishdi.

Natijada uchrashuv durang – 1:1 hisobida yakunlandi.

“Navbahor” PFK matbuot xizmati.