Hamyurtimiz Odil Ahmedov faoliyat olib borayotgan «Tyanszin Teda» klubida ham moliyaviy inqiroz kuzatilayotgani sababli o‘zbekistonlik yarimhimoyachi tez orada klubni tark etishi kutilmoqda.

Bu haqda futbolchining o‘zi ma’lum qilmoqda. «Tyanszin Teda»da inqirozli holat bo‘layotgani rost. Oldimda 2-3ta variant bor, bir haftada qaysi klubga o‘tishim aniq bo‘ladi», - deydi Odil Ahmedov.

Hozirda «Tyanszin Teda» klubida bankrot bo‘layotgani sababli Odil Ahmedov faoliyatini «Sanchjou Mayti Layons» klubida davom ettirishi mumkin. 

Eslatib o‘tamiz, Ahmedov 2020 yilgi mavsum ikkinchi qismida «Shanxay SIPG» klubidan «Tyanszin Teda» safiga qo‘shilgandi.