Ukraina chempionatining 16-turi doirasida «Rux» safarda «Kolos» klubi mehmoni bo‘lib, irodali g‘alabani qo‘lga kiritdi.

Mezbonlar bahsning 34-daqiqasida avtogol evaziga hisobni ochishdi. Ikkinchi bo‘lim boshida esa mehmonlar Kodrakovning goli tufayli muvozanatni tiklashdi.

O‘yin so‘ngida esa har ikki jamoadan bir nafardan o‘yinchi chetlatildi. Jumladan, "Rux" darvozasi tomon penalti belgilandi. "Kolos" himoyachisi Gavrish tomonidan yo‘llangan zarbani esa darvozabon qaytirdi.

O‘yinga qo‘shib berilgan 6-daqiqada "Rux" g‘alabani o‘z tomoniga og‘dirdi. Gol muallifi — Kuxarevich.

Bobur Abduxoliqov uchrashuv qaydnomasiga kiritilgan bo‘lsa-da, u maydonga tushirilmadi.

"Rux" mazkur g‘alaba tufayli o‘z ochkolarini 13taga yetkazib, so‘nggi pog‘onalarni tark etdi va 11-o‘ringa ko‘tarilib oldi.

Kolos - Rux 1:2 (1:0)
Gollar: Misak (35 avt.) - Kondrakov (48), Kuxarevich (90+6)
Noaniq penalti: Gavrish (90, "Kolos")
Kolos: Volines, Kravchenko, Gavrish, Novak, Chernomores, Antyux (Danfa 78), Bogdanov, Zadoya (Milko 53), Churko (Ilin 67), Orexovskiy (Kostishin 68), Lisenko (Isayenko 78).
Rux: Misak, Zes, Beliy, Stamenkovich, Misik, Karasyuk, Fedorchuk, Klimchuk (Boychuk 65), Pritula (Kuxaruk 46), Kondrakov (Kuxarevich 65), Boryachuk (Glixa 90).
Ogohlantirishlar: Zadoya (12), Kostishin D. (86, 90+1) - Zes (22), Beliy (35), Fedik (55 gl. tr), Misik (63, 90)
Chetlatish: Kostishin D. (90+1) - Misik (90), Fedik (90+2)