«Liverpul»ning ikki nafar ishqibozi «PSJ» hujumchisi Kilian Mbappeni sotib olish uchun pul yig‘ish kampaniyasini boshlashdi.

Ular 250 million funt sterling yig‘ishni rejalashtirishgan. Hozirda 1000 funt yig‘ildi.

«Hozirda «Liverpul»da mazkur transferni amalga oshirish uchun yetarli pul mavjud emas. Butun dunyo bo‘ylab jamoa muxlislari Mbappening transferi uchun pul yig‘ishga qaror qildik.

Keling, futbol olamini shokka tushiramiz. Jahon bo‘ylab «Liverpul»ning 100 millionga yaqin muxlisi bor. Agar mazkur aksiyada barcha ishtirok etsa, bir muxlisga 2,5 funtdan to‘g‘ri keladi. Shunda biz Kilianning transferi bo‘yicha muzokaralarni boshlash uchun yetarli pul yig‘a olamiz. Keling, fanatlar puli evaziga amalga oshirilgan eng katta transfer uchun birlashamiz», — deyiladi muxlislar tarqatgan xabarda.