Chempionlar Ligasi nimchorak javob uchrashuvlari doirasida "PSJ"  o‘z maydonida "Barselona"ga qarshi maydonga tushdi va 1:1 hisobidagi duranga imzo chekdi. Birinchi uchrashuvdagi g‘alaba (4:1) evaziga parijliklarga chorak final yo‘llanmasiga ega chiqishdi. Uchrashuvning dastlaki daqiqalaridan hujumga o‘tgan kataloniyaliklar ketma-ket vaziyatlar yaratdi. Ammo Keylor Navasning seyvlari "PSJ"ni goldan saqlab qoldi. Ammo uchrashuvdagi dastlabki golni mezbonlar kiritishdi. 30-daqiqada Klemen Langle jarima maydoni ichida raqibiga qo‘pollik ishlatdi va hakam "Barsa" darvozasiga penalti belgiladi. Ushbu jarima to‘pidan Mbappe foydalanib, jamoasini oldinga olib chiqdiyu Lekin oradan bir qancha vaqtdan keyin "Barselona" hisobni tenglashtirishga erishdi. Messi tomonidan kiritilgan super gol, o‘yindagi muvozanatni tikladi. Qarama-qarshilikning qolgan daqiqalarida boshqa gol kiritilmadi va "PSJ" chorak final yo‘llanmasiga ega chiqdi. 

"PSJ" - "Barselona" 1:1

Gollar: Mbappe 30, Messi 37. 

"Park de Prens"

PSJ – Navas, Kimpembe, Kurzava (Diallo, 46), Markinyos, Florensi (Dagba, 77), Paredes, Verratti (Rafinya, 84), Guye (Danilu Pereyra, 59), Draksler (Di Mariya, 59), Ikardi, Mbappe.

"Barselona" – ter Stegen, Dest (Trinkau, 66), Alba, Mingesa (Firpo, 35), Langle, de Yong, Buskets (Moriba, 79), Pedri (Pyanich, 78), Dembele (Breytueyt, 79), Grizmann, Messi.

Ogohlantirishlar: Kurzava (8), Mingesa (25), Langle (30), de Yong (38), Guye (50), Paredes (50), Ikardi (89).