"Manchester Yunayted" ustozi Ole-Gunnar Sulsher "Vest Xem"ga qarshi uchrashuvdan so‘ng (1:0), o‘yin haqida o‘z fikrlarini bildirib o‘tdi: "Kutilganidek, "Vest Xem"ga qarshi uchrashuv juda qiyin kechdi. Biz uchrashuv yakunigacha yana gol urishimiz mumkin edi, ammo omad bugun biz tomonda bo‘lmadi. Asosiysi, ularga qarshi hujumda imkoniyat bermadik. Dastlabki 15 daqiqada biz hujum qilishga qiynaldik, sababi raqib bunga unchalik imkoniyat bermadi. Keyinchalik o‘zimizning o‘yinimizni yana yo‘lga qo‘ydik va xavfli vaziyatlarni yaratishni boshladik. 2 yoki 3 vaziyatda gol urishimiz mumkin edi, ammo aniq pas, yo yakuniy zarba yetishmadi. Bizni muhim hafta kutmoqda - Yevropa Ligasi va Angliya kubogi. Shuning uchun bugungi g‘alaba bizga muhim kayfiyat taqdim etadi", deydi "Manchester Yunayted" ustozi.