"Manchester Yunayted" klubi "Atletiko" futbolchisi Markos Lyorenteni o‘z safiga qo‘shib olishni xohlamoqda.

"Qizil iblislar" ispaniyalik futbolchi uchun madrid klubiga 80 million yevro taklif qilmoqda, ammo futbolchining o‘zi klubini tark etishni xohlamayapti, deya xabar bermoqda AS nashri.

26 yoshli yarim himoyachi maydonning ko‘plab nuqtalarida harakat qila olishi va sermahsulligi Manchester klubining diqqatini tortmoqda.

Eslatib o‘tamiz, Lyorente bu mavsum La Ligada 28 o‘yin o‘tkazib, 9 ta gol va 8 ta assistni o‘z hisobiga yozdirib qo‘ydi.