Osiyo chempionlar ligasi guruh bosqichi 1-turi doirasida bo‘lib o‘tgan "Paxtakor" - "Traktor" uchrashuvidan so‘ng Piter Xyuistra o‘z fikrini bildirib o‘tdi.

"Birinchi bo‘limda o‘yin asabiy kechdi. Bahsga kirishib ketishimiz vaqt oldi. Ikkinchi bo‘limda tezkor ikki gol o‘tkazganimizdan so‘ng o‘z o‘yinimizni namoyish qildik. Afsuski, yana penaltidan to‘p o‘tkazib yubordik. G‘alabani qo‘ldan chiqarganimiz yomon, ammo 0:2dan keyin o‘yinga qaytdik. Shu sababli durang juda yomon natija emas.

G‘alaba qozonishga yaqin edik, biroq xatodan so‘ng darvozamizga ikkinchi penalti belgilandi. Balki, bu navbatdagi o‘yinlar uchun foydali bo‘lar. Xatolardan xulosa chiqaramiz, shunga yarasha tayyorgarlik ko‘ramiz", — dedi Xyuistra.