Turinning «Yuventus» klubi hujumchisi Paulo Dibala Madridning «Atletiko»si unga qiziqish bildirayotganini tan oldi. «Matraschilar» rahbarlari allaqachon argentinalikning vakili bilan bog‘lanishgan.
«Atletiko menga murojaat qilgani rost. Shaxsan men bilan emas, balki agentim bilan. Ularni hozirgi holatim haqidagi ma’lumotlar qiziqtirdi. Ushbu shartnoma ikki kun ichida imzolanishi ham mumkin. Morata menga «Atletiko» haqida juda ko‘p gapirib beradi. Bu katta klub», - deydi Dibala.
Ma’lumot uchun, ertaga «Yuventus»ni «Fiorentina»ga qarshi muhim safar uchrashuvi kutib turibdi.
