O‘zbekiston Kubogining 2-turidan o‘rin olgan «Bunyodkor» - «So‘g‘diyona» (1:1) uchrashuvidan keyin o‘tkazilgan matbuot anjumanining ikkinchi qismida mezbonlar ustozi Shuhrat Maqsudov ishtirok etdi.
- Har bir o‘yin shiddatli o‘tmoqda. Bu albatta quvontiradi. Shiddatli, kurashlarga boy uchrashuvlar orqali futbolchilar, ayniqsa yosh o‘yinchilar katta tajriba to‘playdi. Bahs avvalidayoq darvozabonimizning xatosi sababli gol o‘tkazib yubordik.
Nafaqat men, balki hech kim bunaqa xatoni kutmagandi. Inson borki xato qiladi. O‘yindan so‘ng kiyim almashtirish xonasida futbolchilar darvozabonimizga ruhan dalda bo‘lishdi, bundan kishi xursand bo‘ladi. Chunki hech kim atayin xato qilmaydi.
«Nasaf» jamoasini hurmat qilaman. Qarshidagi bellashuvda kim g‘alaba qozonsa o‘sha jamoa guruhda birinchi o‘rinni egallaydi. Albatta mazkur bahsga jiddiy tayyorgarlik ko‘ramiz. Qolganini o‘yin ko‘rsatadi, - deydi Maqsudov.
