«RB Leypsig» bosh murabbiyi Yulian Nagelsmann faoliyatini «Bavariya» da davom ettiradigan bo‘ldi. 33 yoshli mutaxassis Myunxen klubida 2021 yilning 1 iyulidan boshlab ish boshlaydi.
Bu bo‘yicha ikkala klub ham o‘zaro kelishuvni tasdiqlashdi. Nagelsmann 5 yillik muddatga shartnoma imzoladi. Ushbu transferdan «Leypsig» 25 million yevrogacha olishi mumkin.
O‘z navbatida, «Bavariya» ham amaldagi murabbiy Xans-Diter Flikning shartnomani bekor qilish haqidagi iltimosini bajarganligini e’lon qildi.
Endi 2023 yil 30 iyunda tugaydigan shartnoma, 2021 yil 30 iyungacha amal qiladi.
Oldinroq Nagelsmann yangi klubida yiliga 8 million yevro ishlab ishlab topishi ma’lum bo‘lgan edi. «Bavariya» murabbiyning kelishi uchun turli-xil bonuslar bilan qo‘shib hisoblaganda, 25 million yevro sarf etadi.
