«РБ Лейпциг» бош мураббийи Юлиан Нагелсманн фаолиятини «Бавария» да давом эттирадиган бўлди. 33 ёшли мутахассис Мюнхен клубида 2021 йилнинг 1 июлидан бошлаб иш бошлайди.

Бу бўйича иккала клуб ҳам ўзаро келишувни тасдиқлашди. Нагелсманн 5 йиллик муддатга шартнома имзолади. Ушбу трансфердан «Лейпциг» 25 миллион еврогача олиши мумкин.

Ўз навбатида, «Бавария» ҳам амалдаги мураббий Ханс-Дитер Фликнинг шартномани бекор қилиш ҳақидаги илтимосини бажарганлигини эълон қилди.

Энди 2023 йил 30 июнда тугайдиган шартнома, 2021 йил 30 июнгача амал қилади.

Олдинроқ Нагелсманн янги клубида йилига 8 миллион евро ишлаб ишлаб топиши маълум бўлган эди. «Бавария» мураббийнинг келиши учун турли-хил бонуслар билан қўшиб ҳисоблаганда, 25 миллион евро сарф этади.