Kelasi mavsumdan boshlab «Bavariya»ni boshqaradigan «RB Leypsig» bosh murabbiyi Yulian Nagelsmann klubini almashtirish haqidagi qaroriga izoh berdi.

«"Leypsig"ni qalbimdagi jarohat bilan tark etyapman. Men katta imkoniyatlar va eng yaxshi ish sharoitlari bo‘lgan jamoani boshqardim.

Hamma, shu jumladan jamoa bilan ishlaydigan xodimlar, biz klub uchun ko‘plab hikoyalar yozganimizga amin bo‘ldik va hozir ham ular buni qilishda davom etmoqdalar. Men bundan juda faxrlanaman.

Chempionlar Ligasi yarim finali, albatta, bu birga bo‘lgan davrimizning eng muhim voqeasi bo‘ldi. Bu lahzani hech qachon unutmayman.

Endi biz ichki chempionatda klub tarixidagi eng yaxshi mavsumni o‘tkazmoqdamiz. Buni esa iloji boricha eng yuqori notada yakunlamoqchimiz va keyin ilk marta kubokka ega chiqmoqchimiz.

«Leypsig» - bu ajoyib jamoa, ammo men ketishim kerak. Men «Bavariya» bosh murabbiyi lavozimiga jalb qilinganligimni va agar imkoniyat bo‘lsa, bu ishni boshlamoqchi ekanligimni rahbariyatdan yashirmadim.

Shu sababli, men Oliver Mintzlaff va «Leypuig» ning boshqa rahbarlariga «Bavariya» bilan kelishuvga yechim topib, menga imkoniyat yaratib bergani uchun minnatdorchilik bildirmoqchiman», - deya 33 yoshli mutaxassisning so‘zlarini keltiradi «Leypsig» rasmiy matbuot xizmati.