Келаси мавсумдан бошлаб «Бавария»ни бошқарадиган «РБ Лейпциг» бош мураббийи Юлиан Нагелсманн клубини алмаштириш ҳақидаги қарорига изоҳ берди.
«"Лейпциг"ни қалбимдаги жароҳат билан тарк этяпман. Мен катта имкониятлар ва энг яхши иш шароитлари бўлган жамоани бошқардим.
Ҳамма, шу жумладан жамоа билан ишлайдиган ходимлар, биз клуб учун кўплаб ҳикоялар ёзганимизга амин бўлдик ва ҳозир ҳам улар буни қилишда давом этмоқдалар. Мен бундан жуда фахрланаман.
Чемпионлар Лигаси ярим финали, албатта, бу бирга бўлган давримизнинг энг муҳим воқеаси бўлди. Бу лаҳзани ҳеч қачон унутмайман.
Энди биз ички чемпионатда клуб тарихидаги энг яхши мавсумни ўтказмоқдамиз. Буни эса иложи борича энг юқори нотада якунламоқчимиз ва кейин илк марта кубокка эга чиқмоқчимиз.
«Лейпциг» - бу ажойиб жамоа, аммо мен кетишим керак. Мен «Бавария» бош мураббийи лавозимига жалб қилинганлигимни ва агар имконият бўлса, бу ишни бошламоқчи эканлигимни раҳбариятдан яширмадим.
Шу сабабли, мен Оливер Минтзлафф ва «Лейпуиг» нинг бошқа раҳбарларига «Бавария» билан келишувга ечим топиб, менга имконият яратиб бергани учун миннатдорчилик билдирмоқчиман», - дея 33 ёшли мутахассиснинг сўзларини келтиради «Лейпциг» расмий матбуот хизмати.
