"Milan" klubi posboni Janluiji Donnaruma amaldagi klubi bilan yangi shartnoma borasida kelisha olmayapti. Shu sababli, ko‘plab klublar bu vaziyatni kuzatib bormoqda.
"Daily Mail" nashrining xabar berishicha, "Manchester Yunayted" va "Chelsi" ham italiyalik darvozabonga qiziqish bildirmoqda. Avvalroq, "Yuventus" 21 yoshli posbonni o‘z safiga qo‘shib olishi mumkinligi haqida xabarlar tarqalgan edi.
Eslatib o‘tamiz, Donnarumaning milanliklar bilan amaldagi shartnomasi shu yilning yozida o‘z yakuniga yetadi.
