"Barselona" Yevropa superligasi orqali moliyaviy muammolarini hal qilib olishni ko‘zlagandi. Xususan, musobaqa boshlanishi bilan "ko‘k-anorranglilar" 350 million yevro miqdorida pul olishi kerak edi.
"Barsa" prezidenti Joan Laporta bu pullarga Lionel Messi bilan shartnomani uzaytirishni, jamoa qarzlarini yopishni hamda Erling Xoland yoki Neymarni sotib olishni rejalashtirgan edi. Ammo ushbu loyiha barbod bo‘ldi.
Endi "Barselona" yangi investorlar qidira boshladi. Jumladan, jamoa manfaatli kreditlar yordamida qarzlarni yopmoqchi.
Bundan tashqari, jamoa o‘z stadioni hisoblangan "Kamp Nou" nomini sotishni muhokama qilmoqda. Shu bilan birgalikda, klub futbolchilar maoshlarini qisqartirishda davom etmoqchi va ba’zi o‘yinchilarni sotmoqchi.