"Барселона" Европа суперлигаси орқали молиявий муаммоларини ҳал қилиб олишни кўзлаганди. Хусусан, мусобақа бошланиши билан "кўк-анорранглилар" 350 миллион евро миқдорида пул олиши керак эди.
"Барса" президенти Жоан Лапорта бу пулларга Лионель Месси билан шартномани узайтиришни, жамоа қарзларини ёпишни ҳамда Эрлинг Холанд ёки Неймарни сотиб олишни режалаштирган эди. Аммо ушбу лойиҳа барбод бўлди.
Энди "Барселона" янги инвесторлар қидира бошлади. Жумладан, жамоа манфаатли кредитлар ёрдамида қарзларни ёпмоқчи.
Бундан ташқари, жамоа ўз стадиони ҳисобланган "Камп Ноу" номини сотишни муҳокама қилмоқда. Шу билан биргаликда, клуб футболчилар маошларини қисқартиришда давом этмоқчи ва баъзи ўйинчиларни сотмоқчи.