«Inter» ustozi Antonio Konte A Seriyaning «Krotone»ga qarshi bahsidan (2:0) keyin o‘z xulosalarini aytib o‘tdi.
Milanliklar bugun «Atalanta» «Sassuolo»ga qarshi o‘yinda ochko yo‘qotsa, muddatidan oldin Italiya chempioni bo‘lishadi.
«Skudettoga yaqin ekanligimizni bilamiz va mutlaqo xotirjammiz. Kimdirga bog‘liq bo‘lib qolish to‘g‘ri deb o‘ylamayman.
O‘z mehnatimiz orqali shunday katta farq bilan oldinda boryapmiz va hech kimga minnatdorchilik bildirishimiz shart emas. Barchasi o‘z qo‘limizda», — dedi Konte.
