«Inter» ustozi Antonio Konte chempionlikdagi hissiyotlari bilan o‘rtoqlashdi.
«Bugun kechqurun biz nimaga erishganimizni o‘ylab yotamiz. Biz o‘zimizdan, «Inter»ni elitaga qaytarish uchun ishlagan insonlardan xursandmiz.
Ushbu chempionatga kelishni faoliyatimdagi eng muhim yutuqlardan biri deb bilaman. Bu qiyin edi, chunki «Inter»ga o‘tish qarori men uchun unchalik oson bo‘lmagan. Boisi, jamoa aniq raqobatbardosh emas edi.
Bundan tashqari, men «Yuventus»ning raqibi bo‘lgan klubga o‘tdim, u yerda ko‘p yillar davomida o‘ynadim va A Seriyada hukmronlik qildim. Men katta ishtiyoq bilan kurashni boshladim, mehnat esa barcha qurbonliklarning samarasini berdi", -deydi italiyalik mutaxassis.
