Coca Cola Superliganing 7-turidan o‘rin olgan «Bunyodkor» - «Nasaf» (2:0) uchrashuvidan keyin o‘tkazilgan matbuot anjumanining ikkinchi qismida mezbonlar ustozi Shuhrat Maqsudov ishtirok etdi.
- Uchrashuv kutilganidek shiddatli, hujumkor ruhda o‘tdi. «Bunyodkor» tizimida ishlayotgan barchani bugungi g‘alaba bilan tabriklayman! Futbol jamoaviy o‘yin. Shuning uchun jamoa o‘yinini shakllantirishga vaqt kerak. Har bir bahsdan keyin xatolar ko‘rib chiqiladi, muhokama qilinadi va ular ustida ishlaymiz. Avvalgi bellashuvlarda gol o‘tkazib yuborganimizdan keyin o‘z o‘yinimizni topib olardik, aytganingizdek, bugun buning aksi bo‘ldi. Ilk daqiqalardanoq o‘z o‘yinimizni ko‘rsatdik va muhim g‘alabani qo‘lga kiritdik.
