Ispaniya va Italiya grandlari - “Real”, “Barsa”, “Yuventus” va “Milan” Yevropa Superligasidan rasman voz kechmasa, UYEFA tomonidan ikki yilga musobaqalardan chetlatiladi.

UYEFA rahbariyati yangi tashkil etilgan va katta qarshilikka uchragan Yevropa Superligasida ishtirok etmoqchi bo‘layotgan klublarga ana shunday jazo chorasini qo‘llashga tayyor ekanini bildirdi.

Ma’lumki, Yevropa chempionatlarining eng qudratli klublari o‘zaro kelishgan holda yangi superturnir tashkil qilgandi. Ushbu musobaqada “ko‘hna qit’a”ning eng kuchli 20 ta jamoasi qatnashishi kerak edi.

Bu loyiha FIFA, UYEFA, milliy chempionatlar tashkilotchilari, futbol jamoatchiligi, muxlislar tomonidan qarshilikka uchradi. Natijada ushbu loyiha bosh qo‘shgan 12 ta jamoadan “Arsenal”, “Atletiko”,  “Chelsi”, “Inter”, “Liverpul”, “Manchester Siti”, “Manchester Yunayted”, “Tottenxem Xotspur” katta bosim ostida rasman musobaqani rad etdi.

Hozircha, faqatgina “Real”, “Barsa”, “Yuventus” va “Milan” loyihadan chiqqanini e’lon qilgani yo‘q.